Ua suesue e leoleo ripoti o lea na faalavelave tagata tetee I le sa o le tamaitai palemia I Northland
I ata ua salalau nei online o loo maua ai le taumafai o nisi I Paihia e poloka le auala o loo agai mai ai le sa o Jacinda Ardern I le vaiaso talu ai
O loo maua ai foi I lea video le feei ane o tagata ma laulau vavale I le palemia
O le faalavelave o I latou nei e le o fiafia I le palemia na iu ai ina oso I luga o le footpath le van sa iai I totonu le taitai o le atunuu ina ia mafai ai ona alu ese mai ma lea nofoaga
Peitai mai ia Jacinda ananafi, e le o faapopoleina ia I le mea na tupu ma I lona manatu o loo malamalama e le o tagata uma o loo fiafia I ana faaiuga
Taua mai ai e tala a le 1News ua vaavaai nei leoleo I nei osofaiga
