O loo suesue e leoleo le mafuaaga o le maliu o se alii 33 tausaga le matua na maua i lona fale ua maliu.

E lē o iloa le mafuaaga ae na faamaonia e le sui komesina o leoleo Papalii Monalisa Tia’i-Keti o ni manu’aga na faatino lava e ia.

O lea alii e mai le afioaga o Lalomanu, ma na maliu lava e lei taunuu i le falemai faaitumalo.

O le isi maliu o se tamā 70 tausaga mai Vaitele.

I faamaumauga a leoleo o lea tamā e nofo lava i lona fale i Vaitele, ma na agai atu lona aiga e asi i le Aso Sa peitai e taunuu atu ua maliu lea tamā ma ua manogi lona tino.

Ua poloaia e le faamasinoga o maliu lilo ina ia faatino se taotoga faapitoa e faamautu ai le mafuaaga na maliliu ai i laua ia.

O ia tamā e iai o la alo.