E oo mai i le taimi nei o loo sue e leoleo le tamaitai lea o loo tuuaia i lona gaoia o se falesa a o faia se sauniga o se papatisoga i Melepone.
O le tala mai leoleo ua ta’ua ai o lea tamaitai na ia gaoia mai teutusi sa i luga o le laulau, o teutusi mo le papatisoga i le malumalu i Cranbourne.
Lipotia na uma ona ave teutusi faasolosolo atu ai lea tamaitai i le isi vaega o le falesa ma gaoia ai nisi aitema e pei o fuifuiki, mics, o se ato ma se koluse faapea se seti o ualesi.
Taua mai e leoleo o se papalagi masalo e i le va o le 40-50 tausaga le matua ma o loo maua i ata mai meapueata lona ata ua tuu i luga e leoleo i upega tafailagi e fesoasoani ai i le suesuega.
O loo fautuaina soo se tasi e silafia lea tamaitai ina ia fesootai ane i leoleo.
