O loo su’e nei e leoleo se alii o loo feta’ua’ina lona faagaioia o ni faiga solitulafono i tupe teu fai mai toeitiiti 2 miliona e aofia ai.
Ta’ua i le lipoti a le One News o loo sailia nei e le Auckland Financial Crime Unit le alii e 31 tausaga o Ayom Wek ma ua iai poloaiga a le faamasinoga e pu’eina ai ona o ni mataupu taufaasese.
Saunoa le satini sinia o Craig Bolton i lea lipoti o loo su’esu’e e leoleo le mataupu lea o tupe teu faavaitaimi i se faiga taufaavalea ma e aofia ai lea alii.
Fai mai ua lima lipoti ua maua faasaga ia te ia e aofia ai le faitau afe o tupe ma e talitonuina o loo faamautu i Aukilani Tutotonu.
Ua lapatai mai leoleo i tagata ia faaeteete a o lei teuina tupe i ni faiga taufaavalea e faapea, tupe teu faavaitaimi ina ne’i aafia ai.
Puna o Faamatalaga: https://www.1news.co.nz/2024/06/21/term-deposit-scams-million-dollar-money-mule-sought-by-police
