A itiiti mai pe 127 i latou ua fasiotia i totonu o aso e lua ua tuana’i i le fetauiga i le va o le ami a le atunuu ma le vaega a le RSF Rapid Support Forces.
Faailoa i lipoti ua 20 masina le umi o fetauiga nei ma o le vaiaso nei ua aga’i ai osofa’iga i nofoaga o loo to’atele tagata e nonofo ai.
Ua faalogoina le auē o tagata i mafatiaga ona o le tulaga ua tula’i mai ma le faifaitetele pea o nei vevesi.
Ua faailoa foi e Malo Aufaatasi e to’atele tagata ua leai ni mea e nonofo ai, leai ni aiga ma ua faifaitetele vesiga i lea atunuu.
Ua faaitiitia le sapalai o taumafa i vaega o loo matua’i aafia ma ua faamauina le oge i le pitonuu o Zam Zam.
E 30 miliona tagata o loo mana’omia vave se fesoasoani ma le 12 miliona ua sosola ese ma mea na nonofo ai ona o le popolega i le saogalemu.
Puna o Faamatalaga: https://edition.cnn.com/2024/12/11/africa/civilians-killed-in-sudan-bombardments-intl/index.html
