Ua solo atu alofa’aga ma faamaisega mo le aiga o si tamaitiiti 14 tausaga na maliu ina ua lavea lana uilaafi i le faaitu o Manjimup i le vaiaso talu ai.

O le tinā o le tamaitiiti na ia faailoa e lē mafai ona galo si ana tama e manatua pea le alofagia e tagata aemaise le komiuniti o loo latou nonofo ai.

Molimau le tinā e tele uo a si ana tama ma e iloa e le to’atele o se tamaitiiti loto alofa ma fiafia.

O le fā tausaga talu ai na me’i ane ai lo latou aiga i Manjimup ae lē masani ai i lea faaitu, na ta’alo ai si ana tama i le ausoka a le Deanmill ma amata masani ai i nisi tagata.

Ta’ua e le tina e ofo i le tele o le mau alofa’aga ma fe’au faamalosi mai tagata e la te masani ai aemaise o nai tamaiti e o ane ma meaai ma tuu i luma o lona faitoto’a.

Ua faafetaia foi e le tina le fesoasoani a foma’i sa feagai ma togafitiga ma ua ofoina foi ona kidneys e fesoasoani ai i nisi tagata e to’alua sa mana’omia lea fesoasoani. 

Puna o Faamatalaga: https://7news.com.au/news/wa