I le taaloga muamua na feiloai ai le ‘au lakapi 15 a tama’ita’i o le atunuu le Penina Pasefika Samoa ma le ‘au lakapi o le Penina Pasefika Tonga lea sa faagasolo il e malae o le Teuifaiva i Tonga i le Aso Faraile ua mavae, ua manumalo ai le ‘au a Samoa 19 ai i le 10 a le ‘au lakapi a tama’ita’i Tonga.
O se tasi lea o taumafaiga a Iuni lakapi i le pasefika e siitia le tulaga lelei o le lakapi mo tama’ita’i e pei ona lagolago malosi iai le polokalame a le malo o Ausetalia o le PacificAus sports.
