O loo faatali nei le matagaluega o le soifua maloloina ile iuga o siaki a nisi o le atunuu na faatoa taunuu mai mai Melepone.

E 650 tagata na taunuu mai mai Melepone lea ua maua I faamaumauga ma o loo faatalia le iuga o siaki e iloa ai poo aaifia I le vairusi ole koviti 19.

Mai lea fuainumera o le 511 oi latou ia o tagata lautele na taunuu mai mai Melepone ilea so 20 o Me agai I le aso 25 ile taimi na amata ai ona toe pepesi le faamai I Vitoria.

O leisi 139 o tagata faigaluega I le vaalele o loo faatali I le iuga o a latou siaki. O faamaumauga ia na faalauiloa e le matagaluega o le soifua maloloina ile taeao analeila.

Ua faamaonia ai o le aofai o tagata na malaga mai mai Melepone I le piliota lea ua oo atu I le 4749.

O le toatele o I latou ia na malaga mai ua maea ona maua siaki ma e le o aafia, o isi e lei manaomia ona faia se siaki ao nisi ua toe taliu I Ausetalia.

Ua faailoa mai I le aso e nao le tasi le tagata ua aafia ile faamai mai nofoaga faanofoesea ae le o iai se tasi o aafia I le komiuniti.