E le o iai se faaitiitiga ile aofai o tagata aafia ile koronavairusi i totonu o Niu Sau Uelese i Ausetalia. O le aso ua faamaonia mai e le Soifua maloloina le oso maualuga foi o le numera o tagata aafia ile setete lea ua oo atu nei I le 35,054 I totonu o le 24 itula talu ai.
O le aofai o tagata o loo faataotoliai falemai ona o le koviti ua oo atu I le 1491 mai le 1344 na iai ile aso ananafi. Mai le aofai o loo ile falemai ua faailoa mai o loo faaopopo pea le numera i vaega tigaina . E 108 afe siaki na faia o le koviti lea e faamaonia mai ai le 35 afe pei ona taua muamua.
E toavalu isi tagata ua maumau soifua ona o le faamai.Ile taimi nei I Niu Sau Uelese, nao tagata o loo faalogoina auga o le faamai, tagata ua taua o close contacts o e ua aafia atoa ai ma tagata ua faatonuina e le soifua mloloina e faia ni siaki pau ia o I latou o loo fautuaina e agai e fai le PCR test on aua matuai faatumulia soo se nofoaga e faia ai siaki ile setete.
Fai mai seisi faamatalaga toeititi tasi vae tolu o siaki na faia ile aso ananafi e faamaonia e aafia ile koviti 19. Faailoa e le ofisa sili o le soifua maloloina I Niu Sau Uelese o le faia o tulaga faapea e le taumate ua natia ai le numera sao o tagata e aafia ile faamai ile setete.
O le taimi nei ua fai si tuai o le maua mai o tali o siaki poo tests e faia ona ole toatele tele o tagata ae ua faateteleina foi le sioti poo le tau sailia o ni rapid antigen testing kit e fai ai lava e le tagata ia lana siaki. Ua faailoa I nisi upega tafailagi ua oo atu le tau o le testing kit e tasi ile 150 online ae nao le 15 tala pe itiiti ane foi e masani ona faatau ai mai faletalavai.
