Lipotia e le Stuff.co.nz ua oo atu i le lima vaiaso e faatali ai faatoa maua se tusifolau Niu Sila pe a talosagaina.
I le masina o Me o le tau o le tusifolau mo le tagata matua na siitia i le $206 mai le $199 na iai ae o le tau o le tusifolau o le tamaititi e $120 ua siitia iai mai le $115 na iai muamua.
Faamatalaga mai le TeTari Taiwhenua, poo le ta ofisa o mataupu faalotoifale e faapea e 18 lava aso faigaluega e masani ona faatali ai.
I luma atu o le pandemic e pei ona iai sa masani ona itiiti ifo i le 10 aso e faatali ai peitai la o lea ua faailoa mai o le a oo atu i le 5 vaiaso e faatali ai mo se tusifolau.
