Ua mae’a fausia nei i le eleele fou lata i le Frienship Park le nofoaga fou mo le kamupani o le Siva Afi, o le a siitia iai lana tautua o faafiafiaga ma le faleaiga i le tuanai o tausaga o faagaioi mai i Matautu tai i Apia lea o loo iai isi ana auaunaga tau pisinisi.

O le nofoaga fou i le eleele fou ua lisi e le Siva Afi mai le Matagaluega o Puna’oa Faalenatura ma Siosiomaga o loo iai le vaaia o nisi o fanua o le Malo mo le umi e 20 tausaga.

Faaalia e le afioga Leota Lene Leota o le pulega o le kamupani, o le toe faaolaolaina o le siva ailao afi a Samoa o se tasi lea o ana taumafaiga mo tupulaga tama ma teine o le atunuu o loo fia maua le tomai i le faatinoina o lea siva a Samoa.

Ma o le a faaauau lea tomai i le nofoaga fou o le a siitia iai.

O le nofoaga o le a iai lea tautua i le eleele fou ua faaopoopo i fale samoa o loo iai lea o loo faaaogā mo nisi o faalauiloa tau i le atina’e o tagata tafafao mai fafo.

O le po anapo o le faaaliga mulimuli lea a le aufaafiafia a le Siva Afi i le nofoaga i Maututai i Apia a o lei siitia i le nofoaga i le Eleelefou.