E amata sii mai i le amataga o le vaiaso fou tau o pakaga o taavale a Aukilani.
O le suiga lenei o le a faaopoopo ai le $1 i le itula e paka ai le taavale e faaaogāina ai pakaga o loo faatonutonu ma vaaia e le Auckland Transport.
I nofoaga pisi o le taulaga i Aukilani o le a totogi ai e le avetaale le $6 i le itula mo itula e 2 muamua, ae $11 i le itula mo isi uma itula mulimuli mai.
O le iuga lea o le faatonuga sau sa’o mai le pulenuu o Aukilani o Wayne Brown lea na tusi ai i le Auckland Transport i le masina o Tesema o le tausaga talu ai ma fai mai ai e vaavaai i itu e maua mai ai tupe faaopoopo a le Auckland Transport ma faaitiitia le faamoemoe mai i tupe a le Council lea o loo sau mai rates.
E ese mai i pakaga i fale o loo pulea e le Auckland Tranport, o lea foi o le a sii i le tasi le $1 i pakaga i tafāala ma e aloaia mai le Aso Gafua o le vaiaso a sau.
