O le valu vaiaso sa a’o’oga ai tinā e to’a limasefulu i le polokalame o le Su’i Alofa a le Matāgaluega o Tinā ma Tama’ita’i, Atina’e o Afio’aga ma Aga Fesoota’i, ua taualuga i le sii ma ave i o latou aiga laausu’isu’i fou mai lea polokalame, o le a fesoasoani e su’i ai laei o le aiga ma maua ai se seleni e fesoasoani i ofu e su’i ma faatau.
E to’a 27 tinā mai Savaii ae to’a 23 i Upolu sa auai i lea aoaoga sa faatino i le va o le masina o Oketopa ia Tesema o le tausaga na te’a nei ae sa faaaogā ai nisi o le au talenia ma popoto i le su’isu’i mai le atunuu o Saina.
O le vaiaso nei na faamautū ai se maliega i le va o lea polokalame ma le fesoasoani a Saina ma tauaao ai loa ma laausu’isu’i lea ua tofu lava le tinā ma se alii o lea to’a limasefulu ma laau e su’i ai laei ma amata ai ni a latou pisinisi su’isu’i.
Tasi lea o tomai o loo unaia malosi e le Matāgaluega o Tinā ma Tama’itai i le taumafai e fesoasoani i le atina’eina o le tomai o le su’isu’i.
