Atonu ua amata lelei lenei vaiaso mo nisi i le tala fiafia ua maua i le aso ananafi ina ua manumalo uma ‘au a alii ma tamaitai Niu Sila i le taamilosaga taitoafitu a le HSBC sa talimalo ai Sini i Ausetalia.
Sa manumalo le ‘au a tamaitai i le la fetauiga ma le ‘au malosi a Farani i ‘ai e 35-0.
Sa tulaga mataina le taumafai a tamaitai Niu Sila i le taamilosaga ma faailoa ai foi e le latou kapeteni le momoli o o latou alofaaga mo le atunuu atoa aemaise Aukilani ma mafatiga mai lologa i le faaiuga o le vaiaso.
O le ‘au a le itupa o alii na manumalo foi i le fetauiga ma Aferika i Saute i le finals i ‘ai e 38-0 a Aferika.
O le isi vae e sosoo ai o le taamilosaga o le a agai atu ai mo Los Angeles i Amerika i le masina fou o Fepuari.
