Na manumālō le ‘au netipolo a Samoa le Tifamoana i le taamilosaga netipolo a le Pasefika sa faia i Brisbane i le vaiaso atoa ua tuana’i.
O le ‘au a Samoa, ta’ita’ia e lo latou kapeteni, Kristiana Manu’a e lei iai ma se faia’ina i lea taamilosaga, mālō i ‘au a Fiti, Tonga, Papua Niu Kini, First Nations ma le ‘au malosi a Sikotilani sa o latou taaalo i le finals.
O le faia’oga fou o le ‘au, Natalie Matthews sa ia faailoa i se faatalanoaga i luga o le Samoa Observer, lona mitamita i le ‘au ma o se miti ua taunuu.
Ua faailoa le agaga faafetai o le tamaitai kapeteni ma le ‘au i le autapua’i a Samoa e lē gata i Brisbane ae o soo se vaega o le lalolagi sa maimoaina ai le taamilosaga i lena vaiaso atoa.
O le tamaitai o Jessica Lagaaia ma mauaina le most valuable player o le finals.
O le ulua’i taimi lea ua mālō ai Samoa i le taamilosaga netipolo lea a le Pacific Aus.
E to’atasi le tamaitai taalo e malaga mai Samoa, o Sayonara Alalatoa ma isi uma mai Ausetalia.
O ‘ai na mālō ai i le Scotland Thistles, e 54-52.
Puna o Faamatalaga: https://www.rnz.co.nz/international/pacific-news/542796/samoa-claims-pacificaus-netball-series-with-unbeaten-run
