O le vaiaso fou lea o le a faamanatuina ai le 10 tausaga o le tautua ma le auaunaga a le Sosaiete o Faasao i Samoa.
Na ta’ua e le Peresitene, James Atherton o le faamanatuina ai o le 10 taugasa o le tautua a le sosaiete o se tulaga e ao ina faatino.
“E telē le tāua o auaunaga a le sosaiete sa taumafai ai e pei o le tele ai o poloketi aemaise o le fuainumera o tagata faigaluega ua mafai ona galulue i le taimi nei.
“O le naunautaiga ia toe aulia atu se isi 10 tausaga i le auaunaga a le ofisa auā le faatinoga o polokalame fesoasoani mo le faasaoina o le siosiomaga.”
O le tele o aafiaga i le suiga o le tau, o aafiaga i le vaomatua, manu faalafuā ma nisi o faafitauli o loo aafia ai faasao o le siosiomaga i lenei vaitau.
“E tusa ai o nei aafiaga e iai le talitonuga ia mafai ona fesoasoani o tatou tagata e tuuiitiitia nei faafitauli.”
E faafetaia ai e le Peresitene le lagolago a paaga o loo faaauauina pea le tuuina mai o fesoasoani auā polokalame a le sosaiete i tua i nuu ma afioaga.
