O se alii e suafa ia Antonio Spitaleri 49 tausaga le matua, na ia ioeina ona moliaga i le Faamasinoga Faaitumalo i Brisbane i le vaiaso nei, i lona aofia ai i se o le kilivaina o fualaau faasāina.

Fai mai le 9News na agai ese mai Spitaleri mai lona fale i Lilyfield faatasi ma se isi alii na agai atu mo Brisbane i le tausaga 2019 i le masina o Oketopa faatasi ai ma le vaegatupe e 340 afe ma le faamoeemoe e momoli atu le tupe lea i le kapaka o se tasi malae tapolo  i le itu i Saute o Brisbane, fai mai o le totogi lea o le uta o fualaau faasāina o le MDMA e tusa ma le 150 kilo.

O le fualaau faasāina i Brisbane sa fesuia’i ma se isi substance ma faia ai loa le fuafuaga a leoleo nanā e feiloai ma Spitaleri e faalēaogāina le operation.

Na vaaia foi mullimuli ane Spitaleri o loo toe faafoi le atotupe lea i se tuatusi i Sini. 

O le faasalaga o lea alii e 12 masina i le falepuipui ma le poloaiga faatoa mafai ona tatala pe a uma ona tuli le 5 masina i le falepuipui.