Ua saunoa manino le Palemia o Niu Sila, Christopher Luxon i le polokalame a le Breakfast, o loo faatalitalia e le Malo o le tulafono toe teuteu e faatatau i le Three Strikes o le a aafia ai le oo atu i le 90 o tagata solitulafono i totonu o le isi 10 tausaga.
O loo iai le fuafuaga o le pili ua faatulaga o lea faamoemoe o le a tuuina i luma o le Kapeneta i le masina o Iuni.
E ono manatua e le toatele sa iai foi le isi tulafono faapea o le Three Strikes sa faatino i lalo o le faigamalo talu ai a le National ae na toe aveesea e le faigamalo a le Leipa.
O le faamoemoe ina ia faailo i le au solitulafono e iai faasalaga ogaoga mo i latou e filaria pea e soli le tulafono.
O le faamatalaga la a Luxon i le asō i le televise ua ia ta’ua ai e na te lē ioeina nisi o faamatalaga o loo ta’ua ai o le gaioiga lenei e lē o faavaea i luga o ni faamaoniga (evidence).
Na ta’ua e le Palemia o le tulafono fou lea o se vaega o se fuafuaga lautele e agai tonu i tulaga tau soligatulafono ma faamasinoga.
Puna o Faamatalaga: https://www.1news.co.nz/2024/04/23/three-strikes-pm-predicts-number-of-offenders-to-be-jailed
