Ua faailoa e le minisita o Puipuiga a Niu Sila, Judith Collins o le sauniuni o le vaega o le puipuiga a Niu Sila ua faasolo ina lelei talu mai se lipoti i le tausaga talu ai sa ta’ua ai nisi o faaletonu.
O le lipoti mai le leitio faasalalau a Niu Sila na faailoa e le One News ua ta’ua ai na faailoa e le vaega o le puipuiga i le malo ia Tesema i le tausaga talu ai o loo iai vaega o loo faaletonu e pei o le tuai o masini o loo faaaogā ma le faaitiitia o le aufaigaluega aemaise o le lusi atu o le poto masani.
Fai mai le minisita o le mea moni sa galulue malosi le vaega a le puipuiga i le taumafai lea e faatumau le aufaigaluega ma ua vaaia ai se suiga lelei talu mai le faaiuga o le tausaga talu ai.
Na ia faailoa foi o nisi vaega na faatinoina o le faatumauina o totogi ma faaopoopo avanoa e tuuina ai le aufaigaluega i vaega eseese o le atunuu mo auaunaga.
Ua ta’ua e Collins e lē o mafai ona saunoa e faatatau i le tala faatatau o le tupe mo le masina fou ae mautinoa o le a ia finau pea mo le vaega o le Puipuiga.
Puna o Faamatalaga: https://www.1news.co.nz/2024/04/26/judith-collins-hints-at-budget-boost-for-fragile-defence-force
