Ua toe o se aga e pei o lea faaupuga a lo tatou atunuu, ona tuvae lea i le faataunuuina o le faigapalota a le setete o Niu Sa Uelese e sailia ai sona taitai, premier.
Fai mai lipoti i le asō ua toeitiiti 12 pasene o tagata e agavaa e palota i le setete ua mae’a ona faatumuina a latou pepa palota ae o taeao lava ia le aso palota ae o i latou ia ua faaaoga le pre polling e vave faatino ai a latou ekisi i sui e palota iai.
Ua faailoa e le ofisa o faigapalota ua o latou taulimaina talosaga e 540,208 o pepa palota e faaaoga ai pusameli ma i le taimi nei pe ā ma le 638,584 tagata ua mae’a ona faia atu palota i le pre polling.
O loo tau fai tuu atoa foi malosi o totoe o sui tauva, le premier o loo iai nei, Dominic Perrottet ma le sui o le Leipa, Chris Minns i le finauina o se manumalo i lea foi tausinioga o le a faatoa iloa i le aso a taeao lona iuga.
