Ua faia se fuafuaga a nisi o mātua i Hastings ma Hawkes Bay e faia sa latou solo tetee i le aso a taeao e tetee atu ai i vape stores i o latou faaitu.
I le masina o Setema i lalo o suiga o le tulafono sa faia na faailoa ai le faasāina ona toe tatala nisi faleoloa fou e lata i aoga ae lē aofia ai faleoloa ua leva ona iai.
O mātua o loo faapopoleina pea i lea tulaga ma loo avea ma sui o le Vape Free Kids NZ o le a feiloai i le aso a taeao i le taulaga faatau i Hastings e valaau mo le faia o ni suiga i lea tulaga.
Faailoa finagalo o nisi o nei mātua e lagona le faanoanoa ona ua faigofie lava ona mafai ona faatau e le tamaititi aoga le vape mai ia faleoloa.
O se faamatalaga sa tuuina e le minisita lagolago o le soifua maloloina Casey Costello i le Breakfast ua ta’ua ai o faiga faavae a le faigamalo ina ia faia ma faamalosia faasalaga mo i latou e maua o faatauina vapes i tamaiti, faia tulafono mo ia ituaiga oloa ma aveesea vapes e faaaogā ma lafoai.
