O le a faia faalauaitele le tuipuipui o le tamaitai palemia, le tui puipui o le koviti 19 e pei ona faailoa I lipoti I le stuff ma o lea tui o le a muai faia ae lei oo le faasologa I le lautele o le atunuu.

O le faamatalaga a Adern na faia I le AM Show I le aso ua faailoa ai lea tulaga ma o le tui o le a faia I le ogatotonu o le tausaga  ao sauni ai e faaoo le auaunaga I tagata lautele.

Ua amata ona tuuina tuipuipui o le Pfizer I border workers poo tagata faigaluega I tuaoi, o I latou ia o loo tele le lamatiaga o loo iai I le aafia ai I le faamai maua fuafua foi e faasolo atu ai lava I healthcare workers.

O loo iai sina popolega ina nei le faia e nisi le tui puipui ma ua iloa foi I suesuega a le matagaluega o le soifua maloloina o le 24 pasene o tagata na faia le suesuega, e le ono faia le tuipuipui pe a ofoina iai.

Fai mai le palemia e iai sina vaega laititi o le atunuu e le mananao e fai tuipuipui ae taua tele le  faia mo le saogalemu. O se tasi o tagata faigaluega ile vaalele na faamaonia mai ua aafia I le koviti I le aso Sa ma ua faamaonia mai o lea tagata ua uma ona faia ona tui puipui  ae lei faia lana siaki lea ua faamaonia mai ua aafia.