Ua unai e le alii faiaoga o Brad Fittler lana ‘au ina ia faaaoga le faamāina na iai i le taaloga talu ai ma le Maroons e faamalosia ai i latou i le fetauiga i le po ananei.
O le fetauiga lona lua lea o le State of Origin 2023 o le a talimalo ai Brisbane ma e manaomia lava ona malo le Blues i le taaloga lea ina ia tutusa ai ma le malo a le Maroons i le taaloga talu ai ma saili ai loa le ‘au e siamupini i le State of Origin i lenei tausaga i le taaloga faaiu.
Fai mai Fittler i lana ‘au e ui i mea ua tuanai ae o le itu tāua ia manumalo, sa tulaga lelei lava tapenaga a le ‘au i le vaiaso atoa ma o le toatele foi o le ‘au ua mae’a taaalo muamua i le malae o le a faia ai le taaloga.
I le ‘au a le Maroons e foliga ua sauni foi mo le faamoemoe ananei i le Suncorp Stadium i le 5 e tea ai le 8 taimi Sini.
