COVAX Covid-19 vaccines

Saogalemu pea Samoa mai le Koviti19

E ui o loo telē le aafiaga o atu motu tuaoi o Samoa e pei o Fiti i le sosolo faaafi ai o le faamai oti o le koviti19 i lea atunuu na faafetaia ai e le Palemia faaauau le tumau Tuilaepa Sailele Malielegaoi galuega a Alii ma Tamaitai fomai auā o loo saogalemu pea Samoa.

E oo mai i le taimi nei e lei faamauina lava se tagata i Samoa ua aafia i le faama’i vagana ai nisi na malaga atu i le atunuu, vaaia ai auga ma na mafai ona nofo faavaavaaia i nofoaga na atofa mo i latou.Taua e Tuilaepa i le polokalame ma le TV3 i le aso ananafi o se tasi o vaega o loo aga’i ai le Malo Tausi ina ia faagasolo pea le faiga o tui puipui a le atunuu ina ia vave ai foi ona toe tatala faigamalaga a Samoa.

I faamaumauga a le Matagaluega a le Soifua Maloloina lea ua faamauina ai le to’a 13,408 tagata ua maea ona fai tui puipui mai le amataga o le polokalame seia oo i le Aso 11 o Me 2021.

Na faamanino mai foi tulaga ua agai ai le faatinoga o tui puipui a soo se tasi e malaga atu i Samoa , ma e lē mafai ona talia i totonu o le atunuu pe afai e le’i faia se tui puipui o le Koviti19. O le talosaga i tagata lautele ina ia agai e fai tui puipui auā lava le nofo saogalemu ai o Samoa.

LAUILOA

Keep uptodate with Radio Samoa activity & promotion

* indicates required