Ua sao atu le Matildas a Ausetalia i le quaterfinals o le Ipu o le Lalolagi i le soka ina ua faia’ina ai Denmark i le la taaloga mataina i le po o le Aso Gafua.
O tamaitai o Caitlin Foord ma Hayley Raso na mauaina sikoa e lua a le ‘au na malo ai i Accor Stadium ae salani i le agai atu o le tamaitai taalo lelei a Ausetalia o Sam Kerr, o le kapeteni foi o le ‘au.
Ua faamauina e silia ma le 75 afe le aumaimoa na faatumulia ai fale matamata i le malae i le po o lea taaloga, o isi tamaitai na tulaga ese lo la taumafai o Mary Fowler ma Katrina Gorry.
E ‘afa le taaloga o loo sili le Matildas i le 1-0 ae toe maua le isi sikoa i le ‘afa lona lua ma manumalo ai loa ia Denmark, 2-0.
O le aso 12 o le masina nei i Brisbane o le a taaalo ai le Matildas ma se ‘au a lē o Farani poo Morocco i le taaloga o le quaterfinals.
