O se alii mai Saina o loo tau i le vaega’au poo le ami a Lusia ua ia faamatala i le CNN sa loka o ia i se nofoaga pogisa e tagata sa vaaia le vaega’au ma o se nofoaga e tau lē mafai ona minoi ai se tagata ona o le vaiti ae 21 aso sa faasala ai o ia i lea nofoaga ona o se matāupu na aafia ai.
Ua faailoa i lipoti a le CNN faamatalaga mai lea tagata sa ia faamatala o ia sa auai ane e tau mo Lusia faasaga ia Ukraine ina ia maua ai sona iloa i le ituaiga soifuaga faamiliteli i isi atunuu e ese mai ia Saina, peita’i i le mae’a o le tausaga sa iai i le autau lea, ua mautinoa i lona manatu o le auai ai i le ami a Putin o se matua’i mea sese lava.
Ua momoli ai la ma lana lapata’iga lea i isi fitafita Saina o loo fuafua e aga’i atu i Lusia, e sili ona toe tomanatu ma aua le oo atu i Lusia.
O le faatalanoaga ma le CNN lea e maua ai faamatalaga a le tagata Saina lea ma faamalaulau ai le tulaga lē lelei o loo tupu i le auai ai i le vaega’au a Lusia.
E lē o ta’ua i le lipoti se faamatalaga a Lusia e tusa o le molimau a lea fitafita Saina.
Puna o Faamatalaga: https://edition.cnn.com/2025/04/29/europe/chinese-fighters-russia-ukraine-dst-intl-hnk/index.html
