Ua faaopoopo atu Saina i le tele o isi atunuu o le lalolagi o loo latou faitioina le gaioiga a Amerika ua faia ia Venezuela ma ua ta’ua i lipoti a le BBC i le vaiaso nei faamatalaga mai ta’ita’i o ia atunuu ua ta’ua ai ua pei Amerika o se faamasino o le lalolagi ma e tatau lava ona faatumauina ma puipuia aiā tatau ma le puipuiga o atunuu uma i lalo o tulafono faavaomalo.
O Saina le isi atunuu e inivesi i le suāu’u mai Venezuela ma e le’i mamao atu nei sa faia ai se fonotaga ma ana pā’aga i Amerika i Saute na vaaia ai foliga fiafia o ali’i sa iai i lea fonotaga ma o latou iloilo ai maliega i le va o atunuu e lua.
Ta’ua i le lipoti mai le tausaga 2000-2023 sa saunia ane ai pea e Saina le silia ma le 100 piliona o tupe ia Venezuela e faatupe ai galuega e pei o auala o feoa’iga mo nofoa afi poo trains, nofoaga o malosiaga faaeletise ma isi poloketi ae faamatu’u ane foi e Venezuela ia Saina le suāu’u sa o latou manaomia mo le faaleleia o le tamaoaiga.
Puna o Faamatalaga: https://www.bbc.com/news/articles/cly92dkxqvko
