O le afioaga o Salani i Falealili lea o loo faatautaia ai lenei faamoemoe o le povimua.
O le Minisita o Faatoaga LaaulialeMalietoa Polataivao Schmidt na tatalaina lenei faamoemoe i le saunoaga autu.
“E lē tau a’oa’oina le faatinoina o mea nei o lafumanu ma o le povimua lenei masalo o se povimua muamua lea o se mea lelei.
“Ou te tatalo o se timata lelei foi lenei mo tatou le aufailafumanu papalagi o loo tapena lava la tatou Matagaluega e tuuina mai le lagolago.”
O loo taulogologo pea le Minisita i le faaitiitia lea o le faalagolago o le atunuu i aano o manufasi mai fafo.
“O lea foi o le a toe pesepese atu ua uma talomua o pese ai lava lenei tala, ia lava meaai a le atunuu e faaitiitia ai le taumafaina o aano o manufasi mai fafo.
“Ia sagai ane e faatino lafumanu moa, puaa, povi, mamoe.
“Ae faafefea ona faatino, e faatino lava e tatou o ā lava au manu e fafaga e tāua lava e tua ai lava tatou ia tatou.
“O loo tele fanua e lē o faato’aina ma avanoa e faatino ai lafumanu.”
Na ta’ua ai foi e Laauli ua tele nisi o asosi lafumanu sa faatino muamua ae e lē o toe atina’eina.
“O nei vaega lafumanu na auai ai ua alualu lava tuu ae tatalo atu aua le faifai tuu ae faaauau atina’e nei ma galulue faatasi.”
O loo talosagaina ai e le Minisita le galulue faatasi o le Matagalyega o fai lafumanu ma ana paaga uma ina ia tumau pea le atina’eina o manu papalagi i le atunuu.
