Ua iai le popolega afai nei ae sui le faigamalo i le palota ia Oketopa, e ono alu atu ai ma le Fair Pay Agreement Bill.
O le pili lenei na pasia i le lagolago a le Labour, Greens ma le pati a Maori poo le suiga e mafai ai e le sui o le iuni ona fai ma sui o le aufaigaluega e faatalosagaina, ma e fua foi le faaiuga i le palota a le toatele o le aufaigaluega lea e patino lava lea i tagata e aofia ai i latou e galulue i supamaketi, kiligi, avepasi, faapea sikulati.
O se tulafono na aloaia mai i le tausaga talu ai ma le tala o le a faafaigofie ai finauga a tagata galulue nei e lē gata i o latou itula faigaluega, o le totogi maualalo, o aso malolo ae faapea ai ma polokalame faaleaoaoga.
Ua faaalia ai e le Council of Trade Unions lona popole ona o lea lava na fai mai le National ma le ACT afai ae tulai mai latou te faaleaogaina.
Ae mai le le BusinessNZ, e tusa ma saunoaga a le pule sili Kirk Hope, o le maimauga o le taimi i lea tulafono ma o lea lava foi na fautuaina le malo o se suiga e lē tele se penefiti e maua mai ai pe a faatusa i lona tau.
E tali uma finagalo faaalia nei i le aso 14 o Oketopa.
