Ua faailoa finagalo o nisi tagata e aumau i Aukilani i le fefefe i le taimi nei e agai i nisi faaitu i le po ona o faalavelave o loo masalomia ai nisi i le aai tele ma sa tupu i le aso e tasi.
O se alii ma se tamaitai na pueina i le mae’a o le maliu o se tamā e 70 tausaga le matua i se fale i Upper Queen St i le aoauli ananafi.
I nai itula mulimuli ane ae pue ai loa se alii talavou 19 tausaga i le mae’a foi o le maliu o se tagata i se motel i Epsom.
O i laua ia e toalua na tutulai i le faamasinoga i le asō i moliaga o le fasioti tagata ma ua taofia nei i le vaaiga a leoleo seia aulia le masina fou.
O molimau a i latou e aumau i ia faaitu ua ta’ua ai le faapopoleina i nei ituaiga faalavelave.
Saunoa nisi e lē o toe fia feoai i le po ona o le alia’e mai o nei tulaga.
O le mau foi a leoleo e manaomia lava mea e faatino ai galuega e fesoasoani ai i le taofiofia o ituaiga faalavelave faapea.
