O loo tau sailia pea e leoleo le tele o aupega na faaaogā e tafana ai fale o aiga i Aukilani. 

O se tala mai lea a le komesina o leoleo, Andew Coster a o suesue atili ai pea osofaiga sosoo na tulai mai i le vaiaso talu ai. 

Talitonu le komesina e leai se fesoota’iga ma fualaau faasāina peitai e foliga mai o le va lava o kegi. 

Peitai poo le ā lava le mafuaaga o loo tu malosi le komesina e lē avea lea ma faapogai o le faia o nei osofaiga i tua i le komiuniti. 

I le faaiuga o le vaiaso na maua ai e leoleo laau malosi poo fana e 4 ma le tusa ma le 250 ututau ma e aofia ai ma fana e lē o faatagaina. 

A o suesue ai pea ua faaalia ai foi e leoleo le faapopoleina o i latou ona o aupega ua toe maua e faapea e lē otomeki ae o ni high powered weapons.