Poloka tele le auala I Aukilani ona o se faalavelave tau taavale

Na fai si faatuai o faigamalaga mai le taeao analeila seia oo mai I le aoauli nei ilea gai mai I totonu o le aai I Aukilani mai le itu I sisifo ona o se faalavelave tau taavale na tupu ai.

O le vaega a le fesoasoani faavavave na agai ane I le faalavelave lea I le Northwestern Motorway ile va o Lincoln Road ma Te Atatu off ramps. Ole faalavelave na poloka ai le laina ile itu taumatau o le motorway ma e ui na kilia e lei taina le fitu I le taeao peitai sa vaaia le poloka o le alatele I le taimi lea.

I faamaumauga a le NZTA na faamauina ai o le faimalaga mai mai Helensville ilea ai e ui mai I le state highway 16 e itula ma le 56 minute le umi amata mai I le ta o le fitu I le taeao analeila. Faatino suesuega a leoleo I le mafuaaga o le faalavelave ae ua fautuaina foi le atunuu femalagai ina ia faaeteete ma faautauta I luga o ala tetele ia alofia ai ni faaletonu ma le poloka o le auala mo feoaiga a tagata lautele.

LAUILOA

Keep uptodate with Radio Samoa activity & promotion

* indicates required