E 27 tausaga le matua o se tina mai Fugalei ma Letogo o loo suesueina nei e leoleo le mafuaaga o lona maliu i le masina na se’i mavae atu nei.
Na faailoa mai e le Sui Komesina le Susuga Papalii Monalisa Tia’i Keti, o lipoti a le Matagaluega o loo faaalia ai, e maua atu e nisi o le aiga lea tina ua uma lona soifua i lona fale.
Saunoa Papalii o loo faaauau pea suesuega a le matagaluega i lea mataupu, ma ua poloaia e le pule o maliu lilo ina ia faia se taotoga faapitoa i le tino maliu o lea tina e faamautu ai le mafuaaga na uma ai lona soifua.
