O le atunuu o Switzerland lea e pito i luga o le lisi o atunuu aupito sili ona saogalemu o le lalolagi e mafai ona e malaga iai mo se tafaoga.
O atunuu e 10 e pei ona faamauina i se poll sa faia e toatele lava i atunuu o le Atu Europa sei vagana ai Niu Sila ma Singapore mai le itulagi lenei.
Sa silasila lea suesuega i tulaga tau femalagaaiga ma tagata e aafia soifua i faalavelave i auala, o le aofai o faalavelave e faaoo ai le oti i tagata, o le tulaga o faalavelave faalenatura, lamatiaga mai faiga faatupu faalavelave, auaunaga tau le soifua maloloina ma le saogalemu o tamaitai.
O isi la atunuu i le lisi lea o atunuu pito i luga e 10 e aofia ai Iceland, Norway, Portugal ma Slovenia e filo atu ai ma Niu Sila ma Singapore i le tulaga 7 ma le 9 ma Jamaica i le numera 10.
O le atunuu aupito itiiti ai le saogalemu o tamaitai e faimalaga iai o Aikupito.
