O le Tupu o Peretania, o Salesa na ta’ita’ia le faaaloalo e 2 minute sa faia e manatua ai soifua o i latou ua maliliu i taua ina ua faamanatu le National Service of Remembrance i le aso ananafi.
Lipotia e le BBC sa ia tuuina se teufugalaau i le Cenotaph le nofoaga faamanatu mo i latou ua maliliu i le ogatotonu o Lonetona, o se vaega lea o lea sauniga tāua sa faatino i vaega eseese o Peretania e aofia ai Edinburgh, Belfast ma Cardiff.
Fai mai pe ā ma le 10 afe fitafita na auai i le savali faaaloalo sa faia sa auai ai ma i latou sa tautua i vaegā’au a le atunuu i tausaga ua te’a.
Ua faailoa e le BBC na faailoa le lagolago ma le faaaloalo o tagata na auai i nei sauniga ina ua aga’i ane se kulupu o i latou o tuaa ua matutua le soifua ae sa tautua i vaegā’au a Peretania i aso o talavou.
Sa auai foi isi sui o le aigatupu e pei o le Perenise o Uelese ma le Duke of Edinburgh faapea ta’ita’i o le atunuu e pei o le Palemia ia Kier Starmer.
O se tasi sui o le aigatupu o Princess Anne o loo i Ausetalia i le taimi nei ma sa ia auai i se sauniga faamanatu faapea foi i le ANZAC Memorial i Sini.
Puna o Faamatalaga: https://www.bbc.com/news/videos/cj6np5zdw6go
