Na faate’ia Peretania ma le lalolagi atoa ina ua maua le tala i le faai’uga o le vaiaso i le osofa’iga i ni tagata i luga o se train i le afiafi o le Aso Toonai na te’a nei i luga o se train a o faimalaga ane i le ogatotonu o Egelani e aga’i i Lonetona.
O se faalavelave fai mai le Palemia, Keir Starmer o se tulaga e matua’i faapopoleina ai lava.
E to’aiva tagata na manunu’a tigāina ma ua faamatala e leoleo Peretania o se faalavelave telē ma o loo iai pea i latou na manunu’a i le falema’i mo togafitiga.
Ua i le vaaiga nei a leoleo se alii e 32 tausaga mai Peretania lava ona o lea faalavelave ae ua toe tatala i tua le isi tagata mai Peretania lava ma le Atu Karipiane fai mai e 35 tausaga le matua.
Fai mai e le’i leva ona alu ese le train mai le nofoaga o Peterborough i Cambridges`5hire, ae tupu loa ma le faalavelave lea na faamatala e nisi sa i luga o le train.
Na faalogoina le feei o tagata ma vaaia ai se alii o tamo’e solo i totonu o le train o loo faamanu’alia.
Sa taumafai isi pasese e sosola atu i isi carriages ma lalafi a o faasolo ane pea osofa’iga a lea tagata se’ia oo ina tū le train ma aga’i ane loa ma leoleo.
E to’a 11 i latou na aafia i manu’aga, e to’a 10 na ave i le falema’i ma le to’atasi o loo i se tulaga tigāina ma o loo lipotia o ia o se tagata faigaluega i le train ma e foliga e telē lona sao i le faasaoina o soifua o tagata sa i luga o le train i le taimi o le faalavelave.
O loo faaauau le su’esu’ega.
Puna o Faamatalaga: https://edition.cnn.com/2025/11/02/uk/uk-train-attack-wwk-intl-gbr
