O le tama le uluai pepe na fanau i le maota gasegase o Tupua Tamasese Meaole i Motootua i le uluai itula o le tausaga fou 2024, e pei ona faailoa i lipoti a le Samoa Global sa fesootai ma se alii tausi soifua faatosaga e galue i le vaega o le fale failele.
E 3 tesimale 5 kalama le mamafa o le pepe muamua o le tausaga fou na ola i le maota gasegase i Motootua.
E lei maua mai faamaumauga o le pepe muamua na ola i le falemai o Malietoa Tanumafili II i Tuisivi i Savaii faapea isi falemai faaitumalo, aemaise o pepe na fananau i tua i nuu ma afioaga o le atunuu.
O le Kerisimasi e 16 pepe fou na fananau i le maota gasegase o Tupua Tamasese Meaole i Motootua.
