O tau o pasese i vaalele ua faaitiitia mai peitai o loo maualuga pea lava nai lo tau na iai a o lei oo mai le faamai, o se faamatalaga lea mai le ACCC.
E ui ua faaopopo le aofai o tagata e mafai ona faimalaga i totonu lava ia o le atunuu, ua toaitiiti tagata e faimalaga pe a faatusa atu i le taimi a o lei oo mai le faamai.
O loo faamauina o le Qantas lava ia e 34.8 pasene o lana auaunaga i pasese femalagai i totonu o le atunuu sa o latou feaveaia, o le Virgin e 33.4 ma le Jetstar e 26.9.
O le ACCC o loo latou mataituina nei le tau o pasese ma polofiti a kamupani vaalele.
