Pau le fuainumera o fanau aoga i Aukilani

Ua pau maualalo le fuainumera o fanau aoga i totonu o Aukilani mo le uluai taimi i totonu o le 25 tausaga

I faamaumauga a le matagaluega o aoga o loo faailoa ai e 284,702 fanau aoga faamauina i le masina o Iulai, ma a faatusa i le taimi lava lea o le tausaga talu ai ua o ese le isi 1095 sa iai

O se pau tele ua sau ai i le maea faatupulaia o le 2600 i le 4000 o fanau aoga i tausaga taitasi, ma o se maualuga na tumutumu ma faigata ai le sailia o avanoa mo o aoga i totonu o Aukilani

I ripoti a le leitio a Niu Sila o loo tuaaia ai le toaitiiti o tagata faimalaga mai e faamautu iinei faapea aiga ua o ese ma Aukilani ae saili i isi aai e maua ai fale taugofie

O ni fuainumera foi e talitonu ua aafia ona o le toaitiiti o fanau aoga omai mai fafo

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required