Ua faamaonia ua maliu se tamaitai talavou ina ua pau ane mai le cruise ship i gaitaifale o ausetalia i saute.
O le vaa o le Pacific Explorer ma fai mai lipoti na iloa e le auvaa o se tasi o le pasese lea ua pa’ū ese ma le vaa ma faamaonia mai ai e le Kamupami e umia le vaa e moni ua maliu le tamaitai e 23 tausaga.
Fai mai sa malaga atu lea tamaitai ma se tasi o lona aiga i luga o le vaa lea na agai ese ma Melepone i le Aso Lua mo sana taamilosaga e fa aso i le Kangaroo Island ma toe foi ane peitai o lea la ua le oo ona o loo faagasolo suesuega i lenei faalavelave.
