Ua pasia nei le ulua’i tala faatatau autū o le tupe a le faigāmalo fou a le Faatuatua i le Atua Samoa ua Tasi i le tuana’i ai o le palota tele i le faai’uga o le masina o Aokuso, ma ua faamuta ai i le Aso Lulu o lenei vaiaso tulaga sa faatino ai galuega a le malo i se fuafuaga tau tupe faanatinati poo le emergency budget.
O le te’a o le iva i le po anapo le Aso Lua lea i Samoa na mae’a ai ona tali le malo ma aga’i ai le Palemene e iloilo mea ta’itasi o le tala autū o le tupe se’ia oo ina pasia.
O le taunuu ai o taualumaga a le fono aoao faitulafono i lea tulaga ua tolopō ai ma ana galuega e toe tauaofia i le aso 16 o le masina o Tesema.
