E foliga e toafa lelei le auosofai lea na agai atu i le pamu penisini i Hamilton i le taeao analeila ma faafefe le faatauoloa sa faigaluega ai, o se tamaitai.
O le lipoti a le Herald ua faailoa lelei ai le taimi na osofai ai e i latou ia le pamu ma a latou auupega o agaese lea fai mai le tamaitai faigaluega o ia na agai atu e tatala le pamu i le ta o le 5 ae fesagai ai ma i latou ia e toafa ma o latou fosi le tatalaina o le pamu.
Faamatala e le tamaitai faigaluega o lona fefe tele na agai ane ai ma loka ia i totou o se tasi o potu o loo i tua ane o le counter, ua leiloa se gaioiga o le a fai.
O le molimau a le pule o le pisinisi o le faatolu ai lea ona osofaia le latou pamu i totonu o ni nai vaiaso e lei mamao atu ma ua iloa uma e le augaoi vaega o iai oloa e pei o sikaleti ma isi oloa.
O loo maua lelei i ata mai le cctv le taimi na sosola ese ai le toafa lea ma oloa mai le pamu ae o le itu e faafetai ai leoleo o le leai o se tasi e faamanualia i lenei mataupu. O loo faagasolo nei suesuega a leoleo.
