O se kulupu o tagata faaaupegaina na o latou taumafai e gaoia se pamu penisini i le itu i Sasae o Aukilani i le taeao analeila.
Fai mai le Newshub o le ‘afa o le 6 i le taeao na ulufale ai i latou ia i se pamu penisini i Pakuranga Road ma lipotia sa agai atu ma se fana ae leai se tasi na aafia ai.
Ta’ua mai na sosola ese i se taavale ma o loo iai nei leoleo i le nofoaga lea mo le faia o suesuega.
O loo talosagaina e leoleo soo se tasi e silafia ni faamatalaga i le kulupu lea ina ia valaau ane i le laina a leoleo 105 ma fesoasoani ane i le suesuega.
