O se auuso tama e toatolu ua tutulai i luma o le faamasinoga i le vaiaso nei i le mae’a o le feta’ua’ina mai o se osofaiga o se malu o le malo i se faaipoipoga sa faia i Sini.
Valaau ane leoleo i le faletalimalo o le Sheraton Grand Sydney i Hyde Park i le ogatotonu o le aai i le vaveao ma fai mai le ausuesue ma lipotia e le 9News o le alii e suafa ia Richard Bou Elias ma ona uso o Khalil ma Khalid na aofia i se vevesi na faia i totonu o le faletalimalo lea ma iu ina oo ane i fafo i magaala.
Ina ua taumafai e agai ese mai le nofoaga, o loo feta’ua’ina na taumafai e osofai leoleo ma tetee atu i le pueina o i latou.
Na faaaoga ai e se tasi o malu o le malo lana taser ma pueina ai loa le toatolu lea.
O le alii lea e igoa ia Richard e itiiti ai i le auuso lea o ia lea ua tuuaia i le faaoolima i le leoleo ma le faaooman’ua foi.
O isi ona uso matutua 43 ma le 47 tausaga ua molia i le faaoolima i leoleo ma sa aveina atu le malu o le malo na aafia i le St Vincent’s hospital mo togafitiga ma o loo faasolo manuia.
O le aso 24 o le masina nei e toe valaau ai i latou ia i le faamasinoga.
