O le kulupu tetee ua faaigoa Tamaki for Palestine ua o latou faailoa o latou na faatinoina le gaioiga o le togiina o le vali lanu mūmū i le ofisa o le minisita o puipuiga a Niu Sila o Judith Collins.
Fai mai a latou faamatalaga o le latou tali atu lea i le faaiuga a le malo ua faia e tuuina atu ana vaegaau i Sasae Tutotonu.
I sa latou pepa o faamatalaga ua faailoa ai e le Tamaki for Palestine, o le faaiuga ua faia e Niu Sila ua au atu ai ma latou i gaioiga saua a Amerika ma le UK i tagata o Yemen, aemaise le talosaga mo se fesoasoani na sau mai Amerika.
Ua faailoa e se sooupu mai le ofisa o le minisita o le mataupu o le a tuuina atu i leoleo.
O loo ta’ua o le a lē ulufale se tasi o vaegaau a Niu Sila i Yemen ae o le a fesoasoani i auaunaga faamiliteli e taitaia e Amerika e puipui ai vaa tetele faapisinisi i le Red Sea.
