Fai mai e ono toe feagai foi Ausetalia ma le La Nina i le faaiuga o le tausaga fua i se lipoti aupito lata mai o le tau.
Fai mai o le El Nino lea o loo iai pea le Vasa Pasefika lea ua savali nei i le 8 masina, lona uiga sa vevela atu nai lo le vevela masani le suavai.
O le El Nino e iloagofie i le tau vevela ma mago aemaise lava i setete i le itu i Sasae o Ausetalia.
Peitai la fai mai le vaaitau o le tau o le El Nino sa iai i le Pasefika talu ai nei, ua mulia’i i tau e tolu sosoo o le La Nina lea sa afua ai le tele o timuga ma tau malu ai le ea.
Ua ta’ua e le weatherzone ua vave tele i le taimi nei ona matau atu le aluga o le tau i le faaiuga o le tausaga ma e tatau foi ona faaeteete ne’i te’i ua aveina atu se faamatalaga lē sa’o.
