E ono le mafai e fomai ona vaai gasegase uma pe a oo ina faatetele le Omicron

O le lapataiga lea mai fomai i le maea faailoa mai ai e le malo o lana fuafuaga tolu phase e faafetaiai ai le vairusi fou

I le taimi nei e iai fomai o loo asiasi ia latou gasegase ua maua i le Koviti faalua i le vaiaso ao faanofoesea, peitai i le vaai mamao afai ae oo i le faitau afe tagata Kiwi e aafia i le Omicron e le mafai ona toe maua lea auaunaga

Ua lapatai mai ai le sui faatonu o le New Zealand Medical Association, Vanessa Weenink e ono le mafai ona fesoasoani i tagata uma ma e moomia ai le faaeteete i taimi e fesootai ai i fomai

I lea faamatalaga e le o manao foi le sui faatonu e avea ma faapogai o le le fesootai atu pe afai ua matuai moomia lava le fesoasoani

O le phase lona tolu lea e tigaina tele pe a faitau afe cases faamaonia o le Omicron, ma e mai le soifua maloloina o le a iai lava tagata o le a ave iai le faamuamua e pei o cases maualuga le tulaga lamatia ao faanofoesea, o i latou i totonu o falepuipui faapea ai ma nofoaga o iai tagata matutua

O le toatele o cases i le komiuniti o loo iai le talitonuga o le a mafai lava ona vaai e i latou o latou tagata faatasi ma le fesoasoani a le GP