O le maua pea o taumafa i le tulaga gafataulimaina, o se autū tāua i fuafuaga alualumamao a Malo Aufaatasi e tauala mai i lana faalapotopotoga o taumafa a le lalolagi.
O le tausaga lenei ua faailoga ai e lea faalapotopotoga tele i le lalolagi lea aso tāua i Samoa ma le faanaunauta’iga ia una’ia ai pea le galuea’iina o faato’aga i le faato’a o le laueleele.
O lea aso tāua ua ogatasi ma le faamanatuina i lo tatou atunuu o le 80 tausaga talu ona faavae le faalapotopotoga o Malo Aufaatasi, na fofoa mai ai le faalapotopotoga o taumafa a le lalolagi le F.A.O.
O se vaega o le saunoaga autū mai le Minisita Lagolago o le Matāgaluega o Faato’aga ma Faigafaiva, i le tatalaina o le aso o taumafa a le lalolagi, le afioga Aiolupotea Misa Tony Aiolupo.
