E lei leva atu nei ona asia e le malaga o fomai mai le Malo o Saina fanau i le Toomaga mo ē Puapuagatia ma ofo fua atu iai la latou auaunaga tau le soifua maloloina.
E toavalu le aumalaga e taitai mai e le alii fomai o Dr Zheng, o la latou galuega sa siaki ai taliga, o mata, o fa’aī (tulou) o le toto ma le suka o fanau.
O ia siaki o loo mataitu ai le soifua maloloina o fanau aeamaise ai o ni aafiaga o le soifua i le taimi nei.
O le asiasiga lea o se vaega o le auaunaga faaauau a lea atunuu i tagata lautele o loo manaomia.
Sa faafiafiaina le asiasiga e ofo la latou auaunaga mo tina ma fanau ma le agaga maualuga o le a fesoasoani tele lea i lo latou soifua maloloina lautele.
Na faafetaia e le Peresetene o le Toomaga ia Siliniu Lina Chang le asiasiga ma ta’ua ai o se fesoasoani tele lea mo le Toomaga auā o le itu tāua lenei o le soifua maloloina o fanau o loo i lalo o la latou vaaiga.
