Ua faaalia nei aafiaga ua iai nei i a’oga ma a latou su’ega i lenei vaitau talu ai le amata pepesi ai le faama’i o le misela i totonu o le atunuu, aemaise o le aafia ai o nisi o a’oga.
O le vaiaso lenei e amata ai su’ega o le NCEA ma su’ega mo tulaga faasikolasipi, e pei ona māua le auai ai o fanau a’oga e 158,000 i totonu o Aotearoa ma le Atu Kuki, ma o lea ua faamaonia le maua ai o fanau a’oga i le faama’i, e pei ona maua ai fanau a’oga o Wellington College, Wellington Girls’ College, ma le Auckland Grammar School.
Ae ui i nei popolega ua faailo e le New Zealand Qualifications Authority (NZQA) o le a faasolo pea su’ega a fanau ma le malamalamaga o le a uia e fanau a’oga ta’iala ma aiaiga uma mo le malupuipuia ai o le to’atele.
Ua fautuaina, fanau a’oga ua maua i le faama’i poo ē foi e le’i faia tuipuipui, e moomia ona faanofoesea (isolate), ae mo fanau uma ua mae’a lelei ona fai a latou tuipuipui e mafai ona toe aga’i i a‘oga pe afai ua tuuina mai se fautuaga mai le Soifua Malōlōina.
Ua faamanatu le NZQA i fanau ina ia siaki taimi faatulagaina o a latou su’ega, ma ia tapenapena iai.
Ua māua foi, le iai o se isi vaega e faatino (derived grade) mo i latou o loo faalogoina le lē atoatoa o le malosi, aemaise ē o loo moomia ona faanofoesea.
Puna o Faamatalaga: https://www.rnz.co.nz/news/national/577710/measles-outbreak-set-to-throw-exam-plans-into-disarray
